Hatto saamne se............

Ye Hindi TV serials ne toh aajkal romance hi khatam kar diya!! Ladies apni family bhool kar TV families ko yaad rakhti  hain...Pati ne kahaa ' Memsaab, Ek cup chai milegi?' ,Aur biwi ne ulta kahaa..kabhi toh chain se dekhne diya karo, poora din ghar ka kaam kar ke ab thoda time mila aur tum ho ki.....'Arey, ye kyaa bol rahi ho? Pati ne jhatt se kahaa...TV toh ghar main hi thaa...pehle nahi dekh sakti thee....?'
               Bas yuhin chalta rehta hain nok jhonk....Phir jo chipkaav hai favorite serial ka, wait ho rahi hain, kab hero heroine ko ' I Love You ' bole....mahino, saal lag jaate, villian pe villian aa jaate par vo nahi hota jo hona chahiye..........Isi beech..shopping jaari rehti  hain , naye fashion ki dresses jo serials main dikhaye jaa rahi hain.
         Pati phir koshish karta hain...TV ke saamne khadaa ho jaata hain....Itne main biwi chillati hain  "Hatto saamne se?" Pati kehta hain, koi toh mujhe pooch nahi rahaa, mere hi ghar main. Kitna thaka haara aata hun, office se...Phir awaaz aati hain vo bhi break main, aji doosre kamre main chillao, mujhe disturb mat karo....
      Toh ye haal ho rahe hain.......phir Pati logon ko majbooran apna Blackberry nikalna hota hai , samachar.com padhna padta hain, facebook, email check karna padta hain, jo unhe apni duniya main le jaata hain......Yehi hain ghar ghar ki kahani......TV serials ke saath!!!